வீட்டிலிருந்த வண்ணம் சிறே முயற்சியாகத் மேற்கொள்ளப் பட்ட டும் டும் மேட்ரிமோனி (Dum Dum Matrimony), இன்று மலேசியாவின் மிகப்பெரிய இந்தியத் திருமண ஏற்பாட்டு-இணைப்பு தளமாக உருவாக்கி, மலேசிய சாதனைப் புத்தகத்திலும் (Malaysia Book of Records) இடம்பெற்றுள்ளது; இது மிகவும் பெருமைக்குரியது.
2020ஆம் ஆண்டு போஷினி தேவி என்பவரால் தொடங்கப்பட்ட இத்தளம், ஆறு ஆண்டுகளில் குறிப்பிடத்தக்க வளர்ச்சியைக் கண்டுள்ளது. தொடக்கத்தில் வாட்ஸ்அப் வழியாக நண்பர்கள் மற்றும் உறவினர்களுக்குப் பொருத்தமான வாழ்க்கைத் துணையை அறிமுகப்படுத்தும் சிறிய முயற்சியாகத் தொடங்கிய இச்சேவை, பின்னர் தொழில்நுட்பம் சார்ந்த திருமணத் தளமாக வளர்ச்சியடைந்தது.
தொடக்கத்தில் பதிவுகள் 1,000ஐக் கடந்தபோது, பயனர்களின் வயது, கல்வி, தொழில், இருப்பிடம் மற்றும் குடும்பப் பின்னணி உள்ளிட்ட விவரங்களை நிர்வகிப்பதில் சவால்கள் ஏற்பட்டன.
இதையடுத்து, 2023ஆம் ஆண்டு இணையத் தளமாக விரிவுபடுத்தப்பட்ட டும் டும் மெட்ரிமோனி, 2025ஆம் ஆண்டு கைப்பேசிச் செயலியையும் அறிமுகப்படுத்தியது.
தற்போது இத்தளத்தில் 12,000க்கும் மேற்பட்டோர் பதிவு செய்துள்ளதுடன், இதன் மூலம் 1,000க்கும் மேற்பட்ட திருமணங்கள் நடைபெற்றுள்ளதாக பூசணி தேவி தெரிவித்துள்ளார்
திருமணமாகாதவர்கள், மணவிலக்கு பெற்றவர்கள், வாழ்க்கைத் துணையை இழந்தவர்கள் எனப் பல்வேறு தரப்பினருக்கும் இத்தளம் சேவையாற்றி வருகிறது.
மலேசியா மற்றும் சிங்கப்பூரைச் சேர்ந்தவர்கள் இதில் இணைந்து பயன்பெறுகின்றனர். மேலும், பெற்றோர்களும் உடன்பிறப்புகளும் தங்களின் அன்புக்குரியவர்களுக்காகச் சுயவிவரங்களைப் பதிவு செய்து நிர்வகிப்பதும் இத்தளத்தின் சிறப்பம்சங்களில் ஒன்றாகும்.
திருமணத்தை மட்டுமே முதன்மையாகக் கொண்ட சேவை பிற ‘டேட்டிங்’ தளங்களிலிருந்து மாறுபட்டு, திருமணத்தை முதன்மை நோக்கமாகக் கொண்டு வாழ்க்கைத் துணையைத் தேடுபவர்களுக்காகவே டும் டும் மெட்ரிமோனி வடிவமைக்கப்பட்டுள்ளது.
பயனர்களின் தனியுரிமை மற்றும் தகவல் பாதுகாப்புக்கும் இத்தளம் முக்கியத்துவம் அளிக்கிறது.
சுயபடம், அடையாளம், தொலைபேசி எண் மற்றும் மின்னஞ்சல் முகவரி ஆகியவற்றைச் சரிபார்க்கும் நடைமுறைகளுடன், சுயவிவரங்களை யார் அணுகலாம் என்பதைக் கட்டுப்படுத்தும் வசதிகளும் வழங்கப்படுகின்றன. பயனர்களின் தனிப்பட்ட தகவல்கள் விற்பனை செய்யப்படுவதோ, வெளிப்புறத் தனிநபர்கள் அல்லது நிறுவனங்களுடன் பகிரப்படுவதோ இல்லை என நிறுவனம் தெரிவித்துள்ளது.
உயிரித்தொழில்நுட்பத் துறையில் பட்டம் பெற்ற பூசனி தேவி, சமூகத்தின் தேவையை அடிப்படையாகக் கொண்டு இந்த முயற்சியைத் தொடங்கினார்.
நிறுவனத்தின் வளர்ச்சியில் அவருக்குத் துணையாக இருந்த அவரின் கணவர் தி. சத்தியவர்மன், தற்போது அதன் நிர்வாக இயக்குநராகப் பணியாற்றி வருகிறார்.
இருவரும் இணைந்து இம்முயற்சியை முறையான வணிகக் கட்டமைப்புடன் கூடிய தொழில்நுட்ப நிறுவனமாக வளர்த்துள்ளனர்.
வீட்டிலிருந்து தொடங்கப்பட்ட இந்நிறுவனம், தற்போது கோலாலம்பூர் பிரிக்ஃபீல்ட்ஸில் உள்ள அலுவலகத்திலிருந்து 10க்கும் மேற்பட்ட முக்கியப் பணியாளர்களின் ஆதரவுடன் இயங்கி வருகிறது.
மலேசிய அரசாங்க நிறுவனங்கள், அரசு சாரா அமைப்புகள், சமூக அமைப்புகள் மற்றும் உத்திசார் பங்காளிகளின் ஆதரவும் நிறுவனத்தின் வளர்ச்சிக்குப் பங்களித்துள்ளதாகத் தெரிவிக்கப்பட்டுள்ளது.
மலேசியாவில் தனது சேவையை நிலைநிறுத்தியுள்ள டும் டும் மேட்ரிமோனி, சிங்கப்பூருக்கும் விரிவுபடுத்தப்பட்டுள்ளது. இதற்கிடையில், ஆஸ்திரேலியா, கனடா, இலங்கை மற்றும் இந்தியா ஆகிய நாடுகளில் வாழும் இந்தியச் சமூகத்தினரிடமிருந்தும் பரிந்துரைகள் வந்துள்ளதாக நிறுவனம் கூறியுள்ளது.
எதிர்காலத்தில் இந்நாடுகளிலும் தன் சேவையை விரிவுபடுத்துவதற்கான வாய்ப்புகளை ஆராயத் திட்டமிட்டுள்ளது.
மலேசிய சாதனைப் புத்தகத்தின் அங்கீகாரம், நிறுவனத்தின் வளர்ச்சியில் முக்கிய மைல்கல்லாக அமைந்துள்ளது.
சமூகத்தின் தேவையிலிருந்து உருவான ஒரு சிறிய முயற்சி, ஆயிரக்கணக்கான பயனர்களைக் கொண்ட தொழில்நுட்ப வணிகமாக வளர்ந்துள்ளதுடன், பல குடும்பங்கள் தங்களுக்குப் பொருத்தமான வாழ்க்கைத் துணையைக் கண்டறியவும் உதவியுள்ளது.
டும் டும் மேட்ரிமோனி குறித்த மேல் தகவல்கலுக்கு இந்நிறுவனம் வழங்கும் இணையத் தளம் மற்றும் கைப்பேசிச் செயலி வாயிலாக அதன் சேவைகளைப் பெற்றுக்கொள்ளலாம்.
