அடுத்த மாதம் நவம்பர் 14-ஆம் நாள் நடைபெற உள்ள மலாக்கா மாநில சட்டமன்றத் தேர்தலில் தேசிய முன்னணியின் வெற்றிக்கு பிபிபி முழு ஆதரவு வழங்கும் என்று இன்று நடைபெற்ற மக்கள் முற்போக்குக் கட்சி,பிபிபி விலாயா மாநில 2026ஆம் ஆண்டுக் கூட்டத்தில் தெரிவிக்கப்பட்டது
விலாயா மாநில பிபிபி கட்சி, ஆயர் மோலே, பெக்காளான் பாத்து-ஆகிய இரு சட்டமன்றத்
தொகுதிகளில் 14 நாட்கள் தேர்தல் பிரச்சாரம் செய்யும் என்று தெரிவித்தனர்
பிபிசி விலாயா மாநிலம், சிகாம்புட் தொகுதித் தலைவர் டத்தோ வினோத்தின் சேவை தொடர வேண்டும் என மாநிலத் தலைவர் சத்தியா வலியுறுத்தினார்.
எதிர்வரும் மலாக்கா மாநிலத் தேர்தலில் தேசிய முன்னணியின் வெற்றிக்கு பிபிபி கட்சி முழுமையான ஆதரவை வழங்கும் என்று அக்கட்சியின் தேசிய இளைஞர் அணித் தலைவருமான சத்தியா தெரிவித்தார்.
தேசிய முன்னணி அரசாங்கத்திற்கு பிபிபி தொடர்ந்து தனது முழு ஆதரவை வழங்கி வருவதாகக் குறிப்பிட்ட அவர், மலாக்கா மாநிலத் தேர்தலில் தேசிய முன்னணி வேட்பாளர்களின் வெற்றிக்காக விலாயா மாநில பிபிபி கட்சி களமிறங்கி பணியாற்றும் என்றார்.
இதன் ஒரு பகுதியாக, மலாக்காவில் உள்ள இரண்டு சட்டமன்றத் தொகுதிகளில் விலாயா மாநில பிபிபி கட்சியினர் 14 நாட்கள் தேர்தல் பிரச்சாரப் பணிகளில் ஈடுபடவுள்ளனர்.
தேசிய முன்னணியின் வெற்றிக்கு தங்களால் இயன்ற அனைத்து ஒத்துழைப்பையும் வழங்குவதுடன், தேர்தல் களத்தில் முழுமையாகப் பணியாற்றுவோம் என்றும் அவர் உறுதியளித்தார்.
மேலும், சிகாம்புட் தொகுதி பிபிபி கட்சித் தலைவர் டத்தோ வினோத்தின் மக்கள் சேவைகள் தொடர்ந்து நீடிக்க வேண்டும் என்றும் சத்தியா குறிப்பிட்டார்.
இதற்கிடையில், சிகமாட் தொகுதி பிபிபி கட்சியின் ஆண்டுப் பொதுக்கூட்டம் இன்று நடைபெற்றது. இதில் பிபிபி தேசிய உதவித் தலைவர் இளையப்பன் முத்துசாமி, தேசிய இளைஞர் அணித் தலைவர் சத்தியா உள்ளிட்ட கட்சியின் பல்வேறு நிலை தலைவர்கள் கலந்து சிறப்பித்தனர்.
இக்கூட்டத்தில் உரையாற்றிய தொகுதித் தலைவர் டத்தோ வினோத், கட்சியின் அனைத்து நிலைத் தலைவர்களும் தமக்கும் தொகுதி நிர்வாகத்திற்கும் முழுமையான ஒத்துழைப்பை வழங்கி வருவதாகத் தெரிவித்தார்.
மேலும், மக்கள் நலன் சார்ந்த நடவடிக்கைகளின் ஒரு பகுதியாக இன்றைய நிகழ்ச்சியில் 10 சக்கர நாற்காலிகள் தேவைப்படுவோருக்கு வழங்கப்பட்டதாகவும் அவர் கூறினார்.
கடந்த ஆண்டும் இதேபோன்ற மக்கள் நலச் சேவையின் மூலம் 32 சக்கர நாற்காலிகள் வழங்கப்பட்டதாகக் குறிப்பிட்ட டத்தோ வினோத், தொடர்ந்து மக்களுக்குத் தேவையான உதவிகளை வழங்குவதில் பிபிபி கட்சி முனைப்புடன் செயல்படும் என்றார்.
